Tum ager mujh ko na chaho to koi baat naheen
Tum kisi aur ko chaho gi to mushkil ho gi
Ab ager mail bhi naheen ha to judai bhi naheen
Baat tori bhi naheen tum nay banai bhi naheen
Yeh sahara hi bahut ha mere jeeney key liye
Tum ager meri naheen ho to parai bhi naheen
Mere dil ko na seraho to koi baat naheen
Ghair kay dil ko seraho gi to mushkil ho gi
Tum haseen hoo tumhein sabhi pyar kertey hoon gay
Mein jo merta hoon to kia aur bhi mertey hoon gay
Sab ki aankhoon mein isi shooq ka toofan hoga
Sab kay seeney mein yehi derd ubhertey hoon gay
Mere gham mein na karaho to koi baat naheen
Aur kay gham mein kara ho gi to mushkil ho gi
Phool ki tarah hansoo sab ki nighahoon mein rahoo
Apni masoom jawani ki panahoon mein rahoo
Mujh ko who din na dikhana tumhein apni hi qasam
Mein tarasta rahoon tum gher ki bahoon mein rahoo
Tum mujh say na nibhahoo to koi baat naheen
Kisi dushman say nibhao gi to mushkil ho gi
(sahir ludhianwi)
in my dreams i was drowning my sorrows , but my sorrows learned to swim