Dastras main nahin halaat tujhe kya maloom
Ab zaroori hay mulaqat tujhe kya maloom
Raat k pichlay pehar, neend shikan tanhai
Kaisay karti hay sawalat tujhe kya maloom
To ba-zid hay k sar-e-aam parastish ho teri
Main hon paband-e-riwayat tujhe kya maloom
Jashan sawan ka yon barah charh k mananay walay
Zulm kya dhati hay barsat tujhe kya maloom
Shana-e-waqt pe ab zulf-e-pareshan k tarhan
Bikhri rehti hay meri zaat tujhe kya maloom
Saada baten thin us ki magar un main kaye
Chup thay rangeen khayalat tujhe kya maloom
)