Tuhmatein tu lagti hein
***Roshani ki khawahish mein ***
***Ghar say bahir aanay ki kuch saza tu millti hay ***
Log log hotay hein
In ko kia khabar jana!
Aapkay iradoon ki khobsorat ankhon mein
Basnay walay khawabon kay rang keasay hotay hein
Dil ki gaud angan mein palnay wali baton kay
Zakham keasay hota hein
Kitnay gheray hotay hein
Kab yeh soch saktay hein
Aisi bay-gunah ankhein
***Ghar kay konay khudron mein chup kay kitna roti hein ***
***Phir bhi yeh kahani hay ***
Apni kaj biyani say
Iss qadar rawani say dastan sunatay hein
Aur yaqen ki ankhien
Sach kay ghamzada dil say lag kay ronay lagti hein
by Noshi Gillani
