**
Apni ruswaaii, teray naam ka charcha daikhooN
Ik zara shair kahooN aur meiN kiya kiya daikhooN
Neend aa jaaye tou kiya mehfilaiN barpa daikhooN
Aankh khul jaaye tou tanhaayi ka sehra daikhooN
Shaam bhi ho gaye, dhundla gayeeN aankhieN bhi meri
Bhoolney waley, meiN kub tuk tera rasta daikhooN
Aik aik ker k mujhey choR gayeeN sub sakhiyaaN
Aaj meiN khud ko teri yaad maiN tunha daikhooN
Kaash sandul se meri maang ujaaley aa ker
Itney ghairooN maiN wohi haath, jo apna daikhooN
Tu mera kuch nahi lagta hai magar jaan-e-hayaat
Jaaney kiyoN teray liye dil ko dharakta daikhooN
Bund ker k meri aankheiN woh shararat se hunsey
bhojhey jaaney ka meiN hur rooz tamasha daikhooN
Mujh per chah jaaye woh barsaat ki khushboo ki tarah
Angg angg apna issi rut maiN mehakta daikhooN
Phool ki tarah meray jism ka hur lub khil jaaye
PankhaRi pankhaRi unn hontooN ka saaya daikhooN
Mein ney jiss lumhey ko pooja hai, ussey buss aik baar
Khuwab bunn ker teri aankhooN maiN utarta daikhooN
**
