**Tu her aik baat pay hanss deti hai,
Aur mein soch main parr jata hoon,
Yeh teri saada-o-maasoom hansi,
Aankh ki bhool, sama’at ka fusoon,
Teri aadat, tera andaaz na ho,
Bay-takalluf teray honton ki chatak,
Meri khush fehmi ka aijaaz na ho,
Main saraabon ko bhi dariya samjhoon,
Tu faqat shauq ki parwaaz na ho,
Tu har aik baat pay hanss deti hai,
Aur mein soch main parr jata hoon,
Yeh teri saada-o-baybaak hansi,
Main jisay khuwaab say taabeer karoon,
Woh haqeeqat mein koi raaz na ho,
Teray bay saakhta hansnay ki ada’a,
Teri tanhaai ki aawaz na ho,
Main jisay husn-e-tabiyat jaanoon,
Teray jazbaat ki ghammaz na ho,
Tu har aik baat pay hanss deti hai,
Aur main soch mein parr jata hoon,
Yeh teri saada-o-purkaar hansi,
Meri duniya, meri hassti ka sukoon,
Kisi toofan ka aaghaaz na ho,
Main mohabbat ki talab ka maara,
Tu faqat husn-e-nazar baaz na ho,
Yeh na ho main tera qurb jeetoon,
Aur teray qasar ka darr baaz na ho!**