Re: Tributes to Ahmed Nadeem Qasmi
labo.n pe narm tabassum rachaa ke dhul jaaye.N
Khudaa kare mere aa.Nsuu kisii ke kaam aaye.N
jo ibtadaa-e-safar me.n diye bujhaa baiThe
vo bad_nasiib kisii kaa suraaG kyaa paaye.N
talaash-e-husn kahaa.N le chalii Khudaa jaane
umang thii ki faqat zindagii ko apanaaye.N
bulaa rahe hai.n ufaq par jo zard-ruu Tiile
kaho to ham bhii fasaane ke raaz ho jaaye.N
na kar Khudaa ke liye baar-baar zikr-e-bahisht
ham aasmaa.N kaa mukarrar fareb kyo.n khaaye.N
tamaam maikadaa sun_saan maigusaar udaas
labo.n ko khol kar kuchh sochatii hai.n miinaaye.N
Re: Tributes to Ahmed Nadeem Qasmi
ab tak to nuur-o-niKhat-o-rang-o-sadaa kahuu.N
mai.n tujh ko chhuu sakuu.N to Khudaa jaane kyaa kahuu.N
lafzo.n se un ko pyaar hai mafhuum se mujhe
vo gul kahe.n jise mai.n teraa naqsh-e-paa kahuu.N
ab justajuu hai terii jafaa ke javaaz kii
jii chaahataa hai tujh ko vafaa aashnaa kahuu.N
sirf is ke liye ke ishq isii kaa zahuur hai
mai.n tere husn ko bhii sabuut-e-vafaa kahuu.N
tuu chal diyaa to kitane haqaa_iq badal gaye
najm-e-sahar ko marqad-e-shab kaa diyaa karuu.N
kyaa jabr hai ke but ko bhii kahanaa pa.De Khudaa
vo hai Khudaa to mere Khudaa tujh ko kyaa kahuu.N
jab mere muu.Nh me.n merii zubaa.N hai to kyuu.N na mai.n
jo kuchh kahuu.N yaqii.n se kahuu.N barmalaa kahuu.N
kyaa jaane kis safar pe ravaa.N huu.N azal se mai.n
har intahaa ko ek na_ii ibtidaa kahuu.N
ho kyuu.N na mujh ko apane mazaaq-e-suKhan pe naaz
Gaalib ko kaa_inaat-e-suKhan kaa Khudaa kahuu.N
Re: Tributes to Ahmed Nadeem Qasmi
lab-e Khaamosh se afshaa hogaa
raaz har rang me.n rusvaa hogaa
dil ke saharaa me.n chalii sard havaa
abr gul_zaar pe barasaa hogaa
tum nahii.n the to sar-e-baam-e-Khayaal
yaad kaa ko_ii sitaaraa hogaa
kis tavaqqo pe kisii ko dekhe.n
ko_ii tum se bhii hasii.n kyaa hogaa
ziinat-e-halqaa-e-aaGosh bano
duur baiThoge to charchaa hogaa
zulmat-e-shab me.n bhii sharmaate ho
dard chamakegaa to phir kyaa hogaa
jis bhii fan_kaar kaa shaahakaar ho tum
us ne sadiyo.n tumhe.n sochaa hogaa
kis qadar karb se chaTakii hai kalii
shaaKh se gul ko_ii TuuTaa hogaa
umr bhar roye faqat is dhun me.n
raat biitii to ujaalaa hogaa
saarii duniyaa hame.n pahachaanatii hai
ko_ii ham-saa bhii na tanhaa hogaa
Re: Tributes to Ahmed Nadeem Qasmi
Zehno main khayal jal rahe hain
sochon ke alav-se lage hain
duniya ki giriift main hain saye
hum apna wajud dhundate hain
ab bhuk se koi kya marega
mandi main zamir bik rahe hain
mazi main to sirf dil dukhate the
is daur main zehan bhi dukhe hain
sir katate the kabhi shahanshah
ab log zuban katate hain
ham kaise churain shab se daman
din nikla to saye chal pare hain
lasshoon ke hujum main bhi hans dain
ab aise bhi hausale kise hain
Re: Tributes to Ahmed Nadeem Qasmi
shaam ko subah-e-chaman yaad aa_ii
shaam ko subah-e-chaman yaad aa_ii
kis kii Khushbuu-e-badan yaad aa_ii
jab Khayaalo.n me.n ko_ii mo.D aayaa
tere gesuu kii shikan yaad aa_ii
yaad aaye tere paikar ke Khutuut
apanii kotaahii-e-fan yaad aa_ii
chaa.Nd jab duur ufaq par Duubaa
tere lahaje kii thakan yaad aa_ii
din shuaao.n se ulajhate guzaraa
raat aa_ii to kiran yaad aa_ii
Ahmed Nadeem Qasmi
Amal
26
Re: Tributes to Ahmed Nadeem Qasmi
What a beautiful pray :~)
Amal
27
Re: Tributes to Ahmed Nadeem Qasmi
Another lovely piece rashidali :k: Thanx for bringing this lovely collection for us 
Re: Tributes to Ahmed Nadeem Qasmi
Buhat khoob Guys, specially rashidali, keep it up:-) :k:
Re: Tributes to Ahmed Nadeem Qasmi
ghair ki ho kay bhi tum meri muhabbat chaho
is ghata top andheray main ye taray kaisay
farsh per jis ko abhi tak na mili jai panah
arsh per chand ka aiwan utaray kaisay
jis ki rahon main bhataktay huay jag beetay hain
phir usi dasht ko badbakht sudharay kaisay
qaflay aae gaye gard uthi baith gaye
ab musafir ko ufaq per say isharay kaisay
jin ki taqdeer main tha damn-e-gulchin ka mazar
wo shagoofay to paraye hain hamaray kaisay
Re: Tributes to Ahmed Nadeem Qasmi
jab tera hukam mila tark muhabbat kar di
dil magar us pe wo dadhka kay qayamat kar di
tujh say kis tarah main izhar-e-tamanna karta
lafz socha to maáni nay baghawat kar di
main to samjha tha kay laut aatay hain janay walay
tu nay ja kar to judai meri qismat kar di
mujh ko dushman kay iradoon pe bhi payar aata hai
teri ulfat ne muhabbat meri aadat kar di
kia tera jism teray husn ki hiddat main jala?
raakh kis nay teray sonay ki si rangat kar di
Ahmed Nadeem Qasmi
Re: Tributes to Ahmed Nadeem Qasmi
**gul teraa rang churaa laaye hai.n gul_zaaro.n me.n
jal rahaa huu.N bharii barasaat kii bauchhaaro.n me.n
mujh se kataraa ke nikal jaa magar ai jaan-e-hayaa
dil kii lau dekh rahaa huu.N tere ruKhasaaro.n me.n
husn-e-begaanaa-e-ehasaas-e-jamaal achchhaa hai
Gunche khilate hai.n to bik jaate hai.n baazaaro.n me.n
zikr karate hai.n teraa mujh se baa_unavaan-e-jafaa
chaaraagar phuul piro laaye hai.n talvaaro.n me.n
zaKhm chhup sakate hai.n lekin mujhe fan kii saugaundh
Gam kii daulat bhii hai shaamil mere shaahakaaro.n me.n
mujh ko nafarat se nahii.n pyaar se masluub karo
mai.n to shaamil huu.N mohabbat ke gunaah_gaaro.n me.n
**
Wah wah! Rashid bhai.....a masterpiece!
Re: Tributes to Ahmed Nadeem Qasmi
Thanks Jhanjharewali
Re: Tributes to Ahmed Nadeem Qasmi
Dil gaya tha to ye ankhain bhi koi lay jata
main faqt aik hi tasveer kahan tak daikhon
sirf is shauq main puchi hain hazaroon batain
mai tera husn, tere husn-e-bayan tak daikhon
Amal
34
Re: Tributes to Ahmed Nadeem Qasmi
How beautifully this thread has developed. And mainly thanx to rashidali :)
Re: Tributes to Ahmed Nadeem Qasmi
Thanks a lot Amal.
Re: Tributes to Ahmed Nadeem Qasmi
Sans laina bhi saza lagta hai
ab to marna bhi rawa lagta hai
sar-e-bazaar hai yaroon ki talash
jo guzarta hai khafa lagta hai
Mausam-e-gul main sar-e-shakh-e gulab
Shuala badhkay to baja lagta hai
muskaraata hai jo is aalam main
ba-khuda, mujh ko khuda lagta hai
itna manoos hoon sannatay say
koi bolay to bura lagta hai
nutaq ka saath nahin daita dahan **
**shukar karta hoon, gila lagta hai
anjam-o-mah ka kia zikr Nadeem
mahar muhtaj-e-zia lagta hai
Re: Tributes to Ahmed Nadeem Qasmi
**kaun kahataa hai ke maut aa_ii to mar jaa_uu.Ngaa
mai.n to dariyaa huu.N samandar me.n utar jaa_uu.Ngaa
teraa dar chho.D ke mai.n aur kidhar jaa_uu.Ngaa
ghar me.n ghir jaa_uu.Ngaa saharaa me.n bikhar jaa_uu.Ngaa
tere pahaluu se jo uThuu.Ngaa to mushkil ye hai
sirf ik shaKhs ko paa_uu.Ngaa jidhar jaa_uu.Ngaa
ab tere shahar me.n aa_uu.Ngaa musaafir kii tarah
saayaa-e-abr kii maanind guzar jaa_uu.Ngaa
teraa paimaan-e-vafaa raah kii diivaar banaa
varnaa sochaa thaa ke jab chaahuu.Ngaa mar jaa_uu.N gaa
chaaraasaazo.n se alag hai meraa mayaar ke mai.n
zaKhm khaa_uu.Ngaa to kuchh aur sa.Nvar jaa_uu.N gaa
ab to Khurshiid ko Duube hue sadiyaa.N guzarii.n
ab use Dhuu.NDhane mai.n taa-ba-sahar jaa_uu.Ngaa
zindagii shammaa kii maanind jalaataa huu.N 'Nadeem'
bujh to jaa_uu.Ngaa magar subah to kar jaa_uu.Ngaa
**
Re: Tributes to Ahmed Nadeem Qasmi
*zehano.n me.n Khayaal jal rahe hai.n *
zehano.n me.n Khayaal jal rahe hai.n
socho.n ke alaav-se lage hai.n
duniyaa kii girift me.n hai.n saaye
ham apanaa vujuud Dhuu.NDhate hai.n
ab bhuukh se ko_ii kyaa maregaa **
**manDii me.n zamiir bik rahe hai.n
maazii me.n to sirf dil dukhate the **
**is daur me.n zehan bhii dukhe hai.n
sir kaaTate the kabhii shahan_shaah
ab log zubaan kaaTate hai.n
ham kaise chhu.Daaye.n shab se daaman
din nikalaa to saaye chal pa.De hai.n
laasho.n ke hujuum me.n bhii ha.Ns de.n
ab aise bhii hausale kise ha.n
WiseGuy
39
Re: Tributes to Ahmed Nadeem Qasmi
Agar is dour maiN jalna hee muQaddar THehra
Apni ujRi hui mehfil kay CHiraaGHoN maiN jalaiN
Ek naye mousim e gul ka yeh taqaza hai ke hum
Rung bun ker inhee luTtay baaGHoN maiN jalaiN
AQ
40
Re: Tributes to Ahmed Nadeem Qasmi
Agreed :)