Tribute To Qateel Shifai

Arts & Culture Poetry ( Intikhaab & Sho'ra-e-Gupshup)
1

apane haathon ki lakiroon main basaalay mujh ko
main houn tera naseeb apana banalay mujh ko

mujh say tu poochnay aaya hai wafaa kay maani
ye teri sadaadili maar na daalay mujh ko

main samandar bhi houn moti bhi huon gota zan bhi
koi bhi naam meraa lay kay bulalay mujh ko

tu nay dekhaa nahn aainay say aagay kuch bhi
Khuda parasti main kahin tuu na ganvalay mujh ko

kal ki baat aur hai main ab saa rahoon ya na rahoon
jitna ji chaahay tera aaj satalay mujh ko

Khud ko main baant na daaloon kaheen daaman-daaman
kar diya tu nay agar mere havaalay mujh ko

main jo kaanta hoon to chal mujh say bacha kar daaman
main hoon gar phool to joray main sajaalay mujh ko

main khulay dar kay kisi ghar ka hoon saamaan piyaray
tu dabay paaon kabhi aakay churalay mujh ko

tark-e-ulfat ki qasam bhi koi hoti hai qasam
tu kabhi yaad to kar bhoolanaywaalay mujh ko

baada phir baada hai main zahar bhi pi jaon “Qateel”
shart yay hai koi baahoon main sambhalay mujh ko

2

buhut khooooooob

3

duniya nay hum pay jab koi ilzaam rakh diya
hum nay muqaabil us kay tera naam rakh diya

ik Khaas had paye aa gai jab teri bayrukhi
naam us kaa ham nay gardish-e-ayyaam rakh diya

main larkhara raha hoon tujhay dekh dekh kar
tu nay to meray saamnay ik jaam rakh diya

kitanaa sitam zariif hai woh saahib-e-jamal
us nay diya jala kaye lab-e-baam rakh diya

insaan aur dekhay baghair us ko maan lay
ik Khauf ka bashar nay Khuda naam rakh diya

ab jis kay ji main aaey wohi paey roshani
hum nay to dil jala kay sar-e-aam rakh diya

kiya maslehat shanaas tha woh aadmi 'Qateel'
majabooriyon kaa jis nay wafa naam rakh diya

4

very nice…:k::k:

5

Beautiful… Tnx Dear :flower2:

6

bohut ache poetry hain inke .. :slight_smile: .. love his poetry .. thanx for sharing .. :flower1: .. can i post some too .. ?? ..

7

Thanks for all of you and Ghazal kisi ke you can post in this thread.