kaThin hay raah-guzar thoDii duur saath chalo
bahut baDaa hai safar thoDii duur saath chaalo
tamaam umr kahaaN koii saath detaa hay
main jaanataa huuN magar thoDii duur saath chalo
nashey mein chuur huuN main bhii tumhen bhii hosh nahiin
baDaa mazaa ho agar thoDii duur saath chalo
ye ek shab kii mulaaqaat bhii Ganimat hai
kisey hay kal kii Khabar thoDii duur saath chalo
abhii to jaag rahe hain chiraaG raahon key
abhii hai duur sahar thoDii duur saath chalo
tavaaf-e-manzil-e-jaanaaN hamen bhii karanaa hai
‘Faraz’ tum bhii agar thoDii duur saath chalo
Ahmad Faraz