Re: کابل ہوٹل - عام شہری ايک بار پھر نشانہ
[RIGHT]**
فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
آپ نے امريکہ کے عالمی کردار کو بيان کرنے کے ليے جو راۓ پيش کی ہے، وہ اس صورت ميں قابل فہم ہوتی اگر امريکی حکومت عالمی تنازعات کو حل کرنے کے ليے صرف طاقت کے استعمال اور اسلحے پر ہی انحصار کر رہی ہوتی۔
حقائق اس سے قطعی مختلف ہيں۔
چاہے، عراق ہو، افغانستان يا شام – امريکی حکومت کی مدد اور “مداخلت” کا بڑا حصہ اس امداد اور تعاون پر مبنی ہے جو عام شہريوں کی حفاظت کو يقینی بنانے، شہريوں کو زندگی کی بنيادی سہولتيں فراہم کرنے اور تعمير وترقی کی مد ميں مقامی حکومتوں اور علاقائ شراکت داروں کو ديا جاتا ہے۔
مثال کے طور پر عراق کے شہر موصل ميں جاری فوجی کاروائ کے ضمن ميں امريکی کردار کا اگر آپ جائزہ ليں تو آپ پر واضح ہو گا کہ امريکی مدد صرف دہشت گردوں کی پناہ گاہوں پر فضائ بمباری تک ہی محدود نہيں ہے۔
امريکی حکومت عراق ميں مقامی حکومت کے ساتھ مل کر داعش کے مظالم کے زير عتاب عام شہريوں کو ہر ممکن مدد فراہم کرنے کے ليے پرعزم ہے۔ ابھی تک امريکہ کی جانب سے عراق ميں انسانی بنيادوں پر ايک اعشاريہ ايک بلين ڈالرز کی مدد فراہم کی جا چکی ہے۔ حال ہی ميں، خاص طور پر موصل کے مکينوں کے ليے امريکہ کی جانب سے 150 ملين ڈالرز کی امداد مختص کی گئ ہے۔
ايک غير جانب دار اور منصفانہ تجزيے کے ليے خطے کے مختلف عرب ممالک ميں انسانی بنيادوں پر امريکہ کی جانب سے فراہم کی جانے والی مالی امداد اور اس کی تفصيل پر ايک نظر ڈاليں تو آپ يہ ماننے پر مجبور ہو جائيں گے کہ امريکہ محض اپنے “نيزے” سے اس خون ريزی ميں اضافہ نہيں کر رہا جو عالمی دہشت گردی کی مرہون منت ہے۔
اور جہاں تک عالمی دہشت گردی کے خاتمے کے ليے امريکہ کی جانب سے فوجی صلاحیتوں اور وسائل کے استعمال کا تعلق ہے تو يقينی طور پر آپ امريکہ کو اس بنياد پر ہدف تنقید نہيں بنا سکتے کہ ہم مقامی حکومتوں اور علاقائ فريقين کو مدد فراہم کر رہے ہيں تا کہ وہ دہشت گردوں کے ان محفوظ ٹھکانوں کو ختم کرنے ميں اپنا کردار ادا کريں جو دہشت گردی اور خون ريزی کا اصل سبب ہيں۔
فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
[EMAIL=“[email protected]”][email protected]
https://twitter.com/USDOSDOT_Urdu
https://www.flickr.com/photos/usdoturdu/
**[/RIGHT]