Re: کابل ہوٹل - عام شہری ايک بار پھر نشانہ
[RIGHT]**
فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
بعض راۓ دہندگان کی راۓ کے برعکس، امريکی حکومت بے دريخ عام شامی شہريوں پر بم گرانے کے مشن پر ہرگز نہيں ہے۔ ہم ان جاری عالمی کاوشوں کا حصہ ہيں جو شام کی عام عوام کو داعش کے مظالم اور اسد حکومت کی بربريت سے محفوظ رکھنے کے ليے کی جا رہی ہيں۔
سينٹ کام کی جانب سے امريکی فضائ بمباری کی مہم کے حوالے سے تفصيلات بھی جاری کی جاتی ہيں۔ اس ضمن ميں ويب لنک پيش ہے۔
شام ميں جاری عالمی کاوشوں ميں ايک شراکت دار کے طور پر ہم ہر ممکن کوشش کرتے ہيں کہ فوجی کاروائيوں کے دوران شہری زندگيوں کو محفوظ رکھنے کے ليے تمام ممکنہ اقدامات کيے جائيں۔
تاہم کسی بھی دوسرے عسکری معرکے کی طرح کچھ مواقع ايسے ضرور آتے ہيں جہاں شہری زندگيوں کو نقصان پہنچتا ہے۔ ليکن يہ حقيقت ان الزامات سے قطعی مختلف ہے جس کے مطابق امريکہ بغير کسی وجہ کہ ہزاروں شہريوں کو نشانہ بنانے کی مہم پر ہے۔
علاوہ ازيں عالمی قوانين اور فوجی معرکوں کے ضمن ميں ہمارے اپنے احتسابی نظام کے عين مطابق سينٹ کام کی جانب سے شہری ہلاکتوں کی صورت ميں باقاعدہ ايک رپورٹ کا اجراء کيا جاتا ہے جس ميں تمام زمینی اور فضائ حملوں کی تفصيل فراہم کی جاتی ہے۔
يقينی طور پر ہم ان قواعد کی پابندی ہرگز نہيں کر رہے ہوتے اگر ہم شام ميں جاری فضائ حملوں کے حوالے سے حقائق کو پوشيدہ رکھنے کے خواہش مند ہوتے۔
سينٹ کام کے ترجمان نے حال ہی ميں يہ وضاحت کی ہے کہ گزشتہ تين برسوں کے دوران جو اکيس ہزار سے زائد فضائ حملے کيے گۓ ہيں ان ميں ايک فيصد سے بھی کم حملوں ميں شہری ہلاکتيں ہوئ ہيں۔
ان اکا دکا واقعات ميں بھی اکثر ايسے ہيں جہاں فضائ حملے کے شروع ہونے کے دوران شہری زير ہدف علاقے ميں داخل ہو گۓ۔
ان تمام واقعات کے ضمن ميں مکمل تحقيقات کی گئ کہ آيا تمام تر احتياطی تدابير اختيار کی گئ تھيں کہ نہيں اور ہدف کو نشانہ بنانے سے قبل عسکری معرکوں کے حوالے سے تمام تر قواعد کی پابندی ہوئ تھی کہ نہيں۔
اگر آپ ہماری کاوشوں کا موازنہ داعش کی خونی مہم اور اسد حکومت کی بربريت سے کريں تو کوئ بھی غير جانب سوچ شخص يہ اعتراف کرنے پر مجبور ہو گا کہ شام ميں عام شہريوں پر مظالم کے ليے امريکی حکومت کو ذمہ دار قرار نہيں ديا جا سکتا ہے۔
فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
[EMAIL=“[email protected]”][email protected]
https://twitter.com/USDOSDOT_Urdu
https://www.flickr.com/photos/usdoturdu/
**[/RIGHT]