ایک پرانی غزل
**اٹھ گیا اعتبار جذبوں کا
****بن گیا اک مزار جذبوں کا
**
**ایک پتھر کا بت نظر آیا
****چھٹ گیا جب غبار جذبوں کا
**
**تم فریبوں کا جال پھیلا کر
****کر رہے ہو شکار جذبوں کا
**
**کیا کہیں کس طرح سے اجڑا ہے
****گلستاں پُربہار جذبوں کا
**
**یہ زمانہ ہے سرد مہری کا
****اب کہاں وہ حصار جذبوں کا
**
**اپنے ہاتھوں سے توڑ ڈالا ہے
****آئنہ پائیدار جذبوں کا
**
**منتشر کر نہ دے کہیں تم کو
****دوستو! انتشار جذبوں کا
**
**کوئی پیارا سا نام رکھنا ہے
****دل کے ان بے قرار جذبوں کا
**
**میٹھے میٹھے بکھر رہے ہیں سُر
****بج رہا ہے ستار جذبوں کا
**
**معتبر ہو رہے ہیں لفظ فصیح
****گھٹ رہا ہے وقار جذبوں کا
**
**شاہین فصیح ربانی
**