**ہیبت اب تک طاری ہے کیا
موت تماشہ جاری ہے کیا
مَن سُلگا سا کیوں رہتا ہے
خاک میں بھی چنگاری ہے کیا
دُنیا میں اب دل نئیں لگتا
چلنے کی تیاری ہے کیا
سُنتا ہُوں میں سُدھر گیا ہُوں
افواہ یہ اخباری ہے کیا
کہتے ہو خُوشحال ہُوئے سب
پھر یہ مارا ماری ہے کیا
ہارا تو کرتے ہیں لیڈر
قوم کبھی بھی ہاری ہے کیا
باتوں سے چھلنی کر ڈالے
اُس کے مُنہ میں آری ہے کیا
دار پہ جس نے سر نہ رکھا
اُس کی بھی سرداری ہے کیا
ڈس لیتا ہے موقعہ پا کر
انساں اِچھا دھاری ہے کیا
کیوں اتنے بے بس دِکھتے ہو
کام کوئی سرکاری ہے کیا
لگتی ہے یُوں چھُوت ہو جیسے
رشوت بھی بیماری ہے کیا
راج دُلاری ہے جو میری
میری راج دُلاری ہے کیا!
ساتھ صبا کا چھوڑ گئے تُم
یہ بھی کوئی یاری ہے کیا**
**
**
…or Last line PaRh kr kon Yaad aaya…?
…:k: