Re: دہشت گردی کے انمنٹ نقوش
[RIGHT]**
فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
اگر آپ کے الزام ميں کوئ صداقت ہوتی تو پھر آپ اس حقيقت کو کيسے نظرانداز کريں گے کہ امريکہ بدستور اس اتحاد کا حصہ ہے جو اپنے تمام تر وسائل کے ساتھ اس دہشت گرد تنظيم کو ختم کرنے کے ليے ہر ممکن کوشش کر رہا ہے جو آپ کی دانست ميں خطے ميں امريکی مفادات کو جلا دينے کے ليے “تخليق” کی گئ ہے۔
حقائق کو درست تناطر ميں سمجھنے کے ليے کچھ اعداد وشمار پيش ہيں جو دہشت گردی کے اس فتنے اور اس کے قائدين کو ختم کرنے کے ليے ہمارے عزم اور کاوش کو اجاگر کرتے ہيں جو آپ کے الزام کے مطابق ہماری جانب سے خفيہ امداد وصول کر رہے ہيں۔
جنوری 11 2017 تک امريکہ اور اتحادی افواج نے داعش کے محفوظ ٹھکانوں پر مجموعی طور پر 17،370 فضائ حملے کيے ہيں جن ميں سے 10،850 عراق ميں اور 6،520 شام ميں کيے گۓ ہيں۔ اگر صرف امريکہ کی بات کريں تو مجموعی طور پر شام اور عراق ميں داعش کی پيش قدمی کو روکنے کے ليے 13،549 فضائ حملے کيے گۓ ہيں جن ميں سے 7،358 عراق ميں اور 6،191 شام ميں کيے گۓ ہيں۔
ديگر اتحادی ممالک کی جانب سے عراق اور شام ميں داعش کے خلاف مجموعی طور پر 3،821 فضائ حملے کيے گۓ ہيں جن ميں سے 3،492
عراق ميں اور 329 شام ميں کيے گۓ ہیں۔
دسمبر 15 2016 تک داعش کے خلاف اس مہم ميں امريکہ کے مالی اخراجات کا مجموعی تخمينہ 7۔10 بلين ڈالرز لگايا گيا ہے۔ اگست 8 2014 کو شروع کی گئ اس مہم ميں 861 دن گزرنے کے بعد يوميہ امريکی اخراجات 5۔12 ملين ڈالرز تک پہنچ گۓ ہيں۔
داعش کے خلاف جاری امريکی کاوشيں اور اس ضمن ميں امريکی اخراجات کی مزيد تفصيلات آپ اس ويب لنک پر پڑھ سکتے ہيں۔
چاہے وہ القائدہ، ٹی ٹی پی، داعش يا دنيا بھر ميں کوئ بھی ايسی تنظيم ہی کيوں نا ہو جسے دہشت گرد قرار ديا جا چکا ہو، آپ ان کی اہم شخصيات اور سرکردہ قيادت کے خلاف ہماری مشترکہ کاوشوں پر ايک نظر ڈالیں تو آپ پر يہ واضح ہو جاۓ گا کہ ہم نے ان تنظيموں کی قيادت کی جانب سے اپنے کارندوں کو متحرک کرنے، منصوبہ بندی کرنے اور دنيا ميں کہيں بھی دہشت گردی کی کاروائياں کرنے کی ان کی صلاحيتوں کو ختم کرنے کے ليے ہر ممکن کوشش روا رکھی ہے۔
اگر دہشت گرد تنطيموں کے يہ ليڈر واقعی ہماری کٹھپتلياں ہيں جو اپنے “مريدوں” پر اپنے اثر کو استعمال کرتے ہوۓ ہمارے ايجنڈے کو آگے بڑھاتے ہيں تو پھر ہم مسلسل ان “اثاثوں” کو نشانہ کيوں بنا رہے ہيں؟
فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
[EMAIL=“[email protected]”][email protected]
https://twitter.com/USDOSDOT_Urdu
https://www.flickr.com/photos/usdoturdu/
**[/RIGHT]