گزرتے لمحو مجھے بتاؤ
کہ زندگی کا اصول کیا ھے ؟
تمام ہاتھوں میں آئینے ھیں
تو کون کس سے چھپا ہوا ھے ؟
۔
اگر صدا کا وجود کانوں سے متصل ھے
تو کون خوشبو میں بولتا ھے ؟
اگرسمندر کی حد ھے ساحل
تو کون آنکھوں میں پھیلتا ھے ؟
تمام چیزیں اگر یہی ہیں
تو کون چیزوں سے ماورا ھے ؟
کسے خبر ھے
بدلتی رت نے پرانے پتوں سے کیا کہا ھے ؟
یہ کون بادل سے جا کے پوچھے
کہ اتنے موسم کہاں رہا ھے ؟
جو آج دیکھا ھے ، کل نہ ہو گا
کوئی بھی لمحہ اٹل نہ ہو گا
۔
گزرتے لمحو مجھے بتاؤ
کہ زندگی کا اصول کیا ھے ؟
…uski kitaab bhi PaRh rakhi hy Bro ny…?
