ﺍﺏ ﺍﭘﻨﮯ ﻓﯿﺼﻠﮯ ﭘﺮ ﺧﻮﺩ ﺍﻟﺠﮭﻨﮯ ﮐﯿﻮﮞ ﻟﮕﯽ ﮨﻮﮞ
ﺫﺭﺍ ﺳﯽ ﺑﺎﺕ ﭘﺮ ﺍﺗﻨﺎ ﺑﮑﮭﺮﻧﮯ ﮐﯿﻮﮞ ﻟﮕﯽ ﮨﻮﮞ ..
ﻭﮦ ﺟﺲ ﻣﻮﺳﻢ ﮐﯽ ﺍﺏ ﺗﮏ ﻣﻨﺘﻈﺮ ﺁﻧﮑﮭﯿﮟ ﺗﮭﯿﮟ ﻣﯿﺮﯼ
ﺍﺳﯽ ﻣﻮﺳﻢ ﺳﮯ ﺍﺏ ﻣﯿﮟ ﺍﺗﻨﺎ ﮈﺭﻧﮯ ﮐﯿﻮﮞ ﻟﮕﯽ ﮨﻮﮞ ..
ﻣﺠﮭﮯ ﻧﺎﺩﯾﺪﮦ ﺭﺳﺘﻮﮞ ﭘﺮ ﺳﻔﺮ ﮐﺎ ﺷﻮﻕ ﺑﮭﯽ ﺗﮭﺎ
ﺗﮭﮑﻦ ﭘﺎﺅﮞ ﺳﮯ ﻟﭙﭩﯽ ﮨﮯ ﺗﻮ ﻣﺮﻧﮯ ﮐﯿﻮﮞ ﻟﮕﯽ ﮨﻮﮞ ..
ﻣﺠﮭﮯ ﯾﮧ ﭼﺎﺭ ﺩﯾﻮﺍﺭﯼ ﮐﯽ ﺭﻭﻧﻖ ﻣﺎﺭ ﺩﮮ ﮔﯽ
ﻣﯿﮟ ﺍِﮎ ﺍﻣﮑﺎﻥ ﺗﮭﯽ ﻣﻨﺰﻝ ﮐﺎ، ﻣﭩﻨﮯ ﮐﯿﻮﮞ ﻟﮕﯽ ﮨﻮﮞ ..
ﻣﯿﮟ ﺟﺲ ﮐﻮ ﮐﻢ ﺳﮯ ﮐﻢ ﻣﺤﺴﻮﺱ ﮐﺮﻧﺎ ﭼﺎﮨﺘﯽ ﺗﮭﯽ
ﺍُﺳﯽ ﮐﯽ ﺑﺎﺕ ﮐﻮ ﺍﺗﻨﺎ ﺳﻤﺠﮭﻨﮯ ﮐﯿﻮﮞ ﻟﮕﯽ ﮨﻮﮞ ..
ﺑﺪﻥ ﮐﯽ ﺭﺍﮐﮫ ﺗﮏ ﺑﮭﯽ ﺭﺍﺳﺘﻮﮞ ﻣﯿﮟ ﻧﺎﮞ ﺑﭽﮯ ﮔﯽ
ﺑﺮﺳﺘﯽ ﺑﺎﺭﺷﻮﮞ ﻣﯿﮟ ﯾﻮﮞ ﺳﻠﮕﻨﮯ ﮐﯿﻮﮞ ﻟﮕﯽ ﮨﻮﮞ ..
ﻭﮨﯽ ﺳﻮﺭﺝ ﮨﮯ ﺩﮐﮫ ﮐﺎ ﭘﮭﺮ ﯾﮧ ﺍﯾﺴﺎ ﮐﯿﺎ ﮨﻮﺍ ﮨﮯ
ﻣﯿﮟ ﭘﺘﮭﺮ ﺗﮭﯽ ﺗﻮ ﺁﺧﺮ ﺍﺏ ﭘﮕﮭﻠﻨﮯ ﮐﯿﻮﮞ ﻟﮕﯽ ﮨﻮﮞ …