گھاٹے میں جانے والی دُکاں سے الگ ہوا

enter10 · November 28, 2013, 5:17pm

گھاٹے میں جانے والی دُکاں سے الگ ہوا
میں ایک روز تیرے جہاں سے الگ ہوا

بس یاد رہ گیا تھا مجھے عشق ،عشق ،عشق
پھر یہ بھی لفظ میری زباں سے الگ ہوا

مت پوچھ کون کون ھے اس کا ہدف یہاں
یہ دیکھ کیسے تیر کماں سے الگ ہوا

آنکھوں سے اشک اشک ٹپکتا ہے رات دن
کب ایک شخص میری فُغاں سے الگ ہوا

دُنیا و آخرت سے مجھے مت ڈرائیے
میں کاروبارِ سود و زیاں سے الگ ہوا

دل کون سے مقام پہ ہارا ہے اپنی جان
یہ آخری سپاہی کہاں سے الگ ہوا

قمر رضا شہزاد

khubsoorat · November 28, 2013, 5:19pm