رات کی زلفیں مرھم مرھم
درد کی لو ھے مدھم مدھم
میرے قصے گلیوں گلیوں
تیرا چرچا عالم عالم
پتھر پتھر عشق کی راتیں
حسن کی باتیں ریشم ریشم
ایک جزا ھے جنت جنت
ایک خطا ھے آدم آدم
ایک عذاب ھے بستی بستی
ایک صدا ھے ماتم ماتم
ساری لاشیں ٹکڑے ٹکڑے
ساری آنکھیں پرنم پرنم
ھجر کے لمحے زخمی زخمی
اس کی یادیں مرھم مرھم
داد طلب اعجاز عصمت
عیسی عیسی،مریم مریم
"محسن"ھم اخبار میں گم ھیں
صفحہ صفحہ،کالم کالم