دعوتِ گناہ - ایک تلخ نظم

[IS]

**دعوتِ گناہ

ایک تلخ نظم**

پکے ہوئے پھلوں کی رنگت

شہوت کے شانوں پر پڑی ہوئی

پیلی چادر کی طرح ہوتی ہے

اور یہ پھل

برہنہ بدن کے حمام میں

غسل میں وقفے کے دوران

خوشبودار قہوے کی

چسکیاں لیتے ہوئے

کھائے جاتے ہیں

!

میرے غسل کے لمحے

اُس اشتہاسے نا آشنا ہیں

جب جذبات کے قحبہ خانے میں

لہو میں جاگتی وحشت کے روبرو

دنیا کی نگاہوں سے چھپ کر

کسی دکان کے عقبی فرش پر

کسی ٹرک کے بند فریم میں

کسی کمسن لڑکے سے بدکاری کی جائے

کسی معصوم بچی کے کچے بدن میں

بربریت کی ننگی سلاخ اترے

اور شام کی کوکھ سے وہ گناہ جنم لے

جو زندگی کرنے کا ہر راستہ نگل جائے!

تُم

جو طشتری میں پکے ہوئے پھل لئے

محبت کے حمّام کے دروازے پر

آنکھیں چرائے کھڑی ہو

اس کے کھلے دروازے سے

بلا کھٹکے اندر آؤ

ابھی قہوے کی دونوں پیالیاں

بھری ہوئی ہیں

اور

اِس حمّام میں کوئی غسل

کبھی مکمل نہیں ہوتا

مگر زندگی کرنے کے

سبھی راستے

یہیں سے نکلتے ہیں!!!

جمیل الرحمن

..

[UZ]

Re: دعوتِ گناہ - ایک تلخ نظم

talgh and different Its too open but true