وہ اجنبی اجنبی سے چہرے، وہ خواب خیمے رواں د&#1

[IS]

وہ اجنبی اجنبی سے چہرے، وہ خواب خیمے رواں دواں سے
بسے ہوئے ہیں ابھی نظر میں سبھی منظر دھواں دھواں سے

یہ عکس ِداغ ِشکست ِ پیماں، وہ رنگ ِزخم ِخلوص ِیاراں
میں غم گُساروں میں سوچتا ہوں کہ بات چھیڑوں کہاں کہاں سے

یہ سنگریزے عداوتوں کے، وہ آبگینے سخاوتوں کے
دل ِمسافر قبول کر لے، ملا ہے جو کچھ جہاں جہاں سے

بچھڑنے والا بچھڑ چلا تھا تو نسبتیں بھی گنوا کے جاتا
تیرے لیے شہر بھر سے اب بھی، میں زخم کھاؤں زباں زباں سے

میری محبت کے واہموں سے پرے تھا تیرا وجود، ورنہ
جہاں جہاں تیرا عکس ٹھہرا، میں ہو کے آیا وہاں وہاں سے

تُو ہم نفس ہے، نہ ہمسفر ہے، کسے خبر ہے کہ تُو کدھر ہے
میں دستکیں دے کے پوچھ بیٹھا، مکیں مکیں سے، مکاں مکاں سے

ابھی محبت کا اسم ِاعظم لبوں سے رہنے دے جان ِمحسن
ابھی ہے چاہت نئی نئی سی، ابھی ہیں جذبے جواں جواں سے‬

.

[GuL-e-Tasbeeh]

Re: وہ اجنبی اجنبی سے چہرے، وہ خواب خیمے رواں د

:-)

[Amal]

Re: وہ اجنبی اجنبی سے چہرے، وہ خواب خیمے رواں د

Kya baat hey IS … zabardast ghazal share ki hey aap ney

[punjabi_kuri_1]

Re: وہ اجنبی اجنبی سے چہرے، وہ خواب خیمے رواں د

:k:

[Heiress1]

Re: وہ اجنبی اجنبی سے چہرے، وہ خواب خیمے رواں د

bohot khoob,