****Dukhon ki shidaten, zakhmon ki gehrai mujhe de do
Maseha tum sahi, uzne masehaii mujhe de do
Tum apni zaat mein khud anjuman ho, tum ko kia ghum hei
Mein tanhaa hon, ye zook-e-bazm-e-araii mujhe de do
Tum apne dil k derwaze mukaffal shooq se ker lo
Bus apni zaat se ezne shanasaii mujhe de do
Tumhare baad her menzer mujhe be rung lagta hei
Ye aankhen chean lo ya apni benaii mujhe de do
Meri shohrat tumhare kaam a jaye tu hazir hei
Tumhe dunya ne bakhshi hei jo ruswaii mujhe de do
Mein shahir hon, mere be kaif, be tasear lafzon ko
Aamer ker do, tum apne ghum ki raanaii mujhe de do.
Nice !!!