*Aaj Buhat Din Baad Suni Hay Barish Ki Awaaz *
*Aaj Bohat Din baad kisi Manzir ne Rasta Roka hay *
*Rim Jhim ka Malbos Pehan kar Yaad kisi ki aie hay *
Aaj Buhat din baad Achanak Ankh yunhi bhar aie hay
“Happy Rainy Day”
Re: .......
Jaise aik hi dhun k andar bajne wale saaz
Aur un ki aawaz….
Khirrki k sheesho’n per parrti boondo’n ki aawaz ka jadoo
Rim jhim k ahang mein dhal ker sargoshi ban jata hai
Aur lahu k khukiye us ki baatein sun lag jaate hain,
Maazi, haal aur mustaqbil, teeno k chehre
Gud-mud se ho jaate hain
Aapas mein kho jaate hain
Chaaro’n janib aik dhanak ka parda sa lehrata hai
Waqt ka pahiya chalte chalte, thorri der ko tham jata hai
Aaj bohat din baad suni hai barish ki awaz
Aaj bohat din baad kisi manzar ne rasta roka hai
Rim jhim ka malboos pehn ker yaad kisi ki aai hai
Aaj bohat din baad achanak aankh yunhi bhar aai hai
Aankh aur manzar ki wusa’t mein chaaro’n janib bearish hai
Aur barish mein, dur kahin ik ghar hai jis ki
Aik aik eent pe tere mere khuwab likhe hain
Aur us ghar ko jaane wali kuch galiya’n hain
Jin mein hum dono k saaey tanha tanha bheeg rahe hain
Darwaze per qufl parra hai aur dareeche sooney hain
Deewaro’n per jami huwi kaai mein chup ker
Mousam hum ko dekh rahe hain
Kitne badal hum dono ki aankh se ojhal
Baras baras ker guzr chuke hain,
Aik kami si,
Aik nami si,
Chaaro’n janib phel rahi hai,
Kai zamane aik hi pal mein
Baham mil ker bheeg rahe hain
Andar yaadein sookh rahi hain
Bahir manzar bheeg rahe hain.....
AIA gr88
Re: .......
very nice ............................
u ko kia hoa green signal de dea kia 
Re: .......
nice sharing Smile ;)
Re: .......
Nice one BheegiYaad