Gum Apni Mohabbat Main Dono ,Nayab Ho Tum Nayab Hain Hum
Kya Hum Ko Khuli Aankhein Dekhein, Ek Khuwab Ho Tum Ek Khuwab Hain Hum
Kya Mehsher Khaiz Judai Hai ,Kya Vasl Qayamat Ka Ho Ga
Jazbat Ka Ek Sailab Ho Tum, Jazbat Ka Ek Sailab Hain Hum
Ek Huns Purani Yadoon Ka Betha Hua Kanker Chunta Hai
Tapti Hui Hijr Ki Ghairyoon Main Sookha Hua Ek Talab Hain Hum
Ek Waqat-E-Talatum Khaiz Hain Hum ,Gardish Main Tumhay Bhi Lay Lein Gay
Is Waqat Na Tair Aay Kishti-E-Dil Is Waqat To Khud Girdaab Hain Hum
Aay Chasham-E-Falak Aay Chasham-E-Zameen! Hum Log to Phir Aanay Kay Nahin
Do Chaar Gharee Ka Sapna Hain, Do Chaar Gharee Ka Khawab Hain Hum