Dear friends,
kindly keep lengthen this thread by adding some good Asha’ar on the topic maa’
Starting with some of my favorite asha’ar…
Jab bhi kashti meri sailaab me aa jaati hai…
Maa’ dua karti hui khwaab me aa jaati hai…
By: Munawar Rana
Kisi ko ghar mila his’se me, ya koi dukaa’n aayi…
Mai ghar me sabse chhota tha, mere hisse me maa’ aayi…
By: Munawar Rana
Ae andhere dekh le muh’ tera kaala ho gaya…
Maa’ ne aankhen khol di ghar me ujaala ho gaya…
By: Munawar Rana
Sakht Raahon me bhi aasaan safar lagta hai…
Yeh meri maa’ ki duaaon ka asar lagta hai…
Unknown
Maa’ mujhe dekh kar naraaz na ho jaye kahin’…
Sar pe aan’chal nahi hota hai to darr lagta hai…
Anjum Rahbar
Re: Topic (Maa')..... chan'd asha'ar
very very nice ashaars...all
aur buhat shukriya yeh thread open karney ka...
Re: Topic (Maa')..... chan'd asha'ar
nice choice :)
Re: Topic (Maa’)… chan’d asha’ar
:k:
Re: Topic (Maa')..... chan'd asha'ar
Kisi ko ghar mila his'se me, ya koi dukaa'n aayi...
Mai ghar me sabse chhota tha, mere hisse me maa' aayi...
buhat khooooob
Re: Topic (Maa')..... chan'd asha'ar
**Besan ki saundhi roti par **
**khattii chatni jaisi Maa **
**yaad aati hai chaukaa-baasan **
**chimataa phukni jaisi Maa **
**baans ki khurrii khaat ke uupar **
**har aahat par kaan dhare **
aadhi soii aadhii jaagi
thaki dopahari jaisi Maa
**chirdiyon ke chahkaar mein gunje **
kabhi Muhammad kabhi Ali
**murge ki aavaaz se khultii **
ghar ki kundi jaisi Maa
**bivii, beti, bahan, padosan **
**thordi thordi si sab mein **
**din bhar ik rassii ke uupar **
chalti nathani jaisi Maa
**baant ke apana cheharaa, maathaa, **
**aankhein jaane kahaan gai **
**phate puuraane ik albam mein **
chanchal ladki jaisi Maa
(Nida Fazli)
Re: Topic (Maa')..... chan'd asha'ar
Nice one... thanx for sharing...