Main Sada Dilli K Gehney Pehney
Jab Tum Sey Mili Thi, Khoob-Ro Thi
Alfaaz Lehaaz Main Gundhey They
Lehjey Main Bhi Kaisi Aabro Thi
Tum Aq’l KO We’hm Jantey They
Mujh Ko Bhi Junoo.n Ki Justuju Thi
Aqwaal Tumhaarey Mehfiloo.n Main
AUr Meri Sada Bhi Char So Thi
Tum Apni Daleel Pe They Qa’em
Mujh Ko Bhi Majaal_e Guftugu Thi
Tum APney Muqabloo.n Pe Nazaa.n
Mujh Main Bhi Bahaduri Ki Kho Thi
Tum Sey Mujhey Hosla MIla Tha
Jeeney Ki Mujhe Bhi Aarzo Thi
Tum Apni Nazar Main Motabar They
Main Apni Nazar Main Surkh-Ro Thi
Per Waqt K Haathoo.n Saarey Rishtey
Dhagoo.n Ki Tarha Ulajh Gai They
Paimaan_e Wafa K Chaand Tarey
Zaroo.n Ki Tarha Bikhar Gai Thay
Tum Jab Sey Gai Ho APney Ghar Sey
Lagta Tha K Sab Badal Gaya Hay
Soraj Ko Nigal Gaya Hay Dariya
Saya Bhi Kahee.n Pighal Gaya Hay
Main Zeh’n K Jagtey Ufaq Per
Jatey Howe Tum Ko Dekhti Hoon
Main Soch K Behr_e Be-karaa.n Ki
Har Mouj Sey Roz Pochti Hoon
Kiya Hosh K Be-shumaar Dariya
Sehraaoo.n Main Khushk Ho Chukey Hain?
Tadbeer-o Ana K la’al_o Gohar
Kiya Khaak Ka Rizq Ban Sakey Hain?
Phir Khud Mujhe Chain AA Gaya Hay
Aur Khud Hi Jawaab Mil Gaya Hay
Rishtey Ye Haqeeqatoo.n Ki Zad Per
Totey Hain Agar Tu Phir Jurey Hain
Dekho Jo Kahee.n Sey Dekh Paao
Khush Rango_e Zeest Ka Rachaao
Aangan Main Humarey Jaag Uthi Hain
Do Konplain Sar Uthaay Kaisey!
Kirnoo.n Sey Ladhi Hoi Hay Khirki
Khushbo Sey Basey Howe Hain Kamrey
Maathey Pe Likhi Hoi Hay In K
Aaeen_e Yaqeen Ki Ibarat
Chehroo.n Ko Saja Rahi Hay Un K
Aankhoo.n Main Chupi Hoi Shararat
Kiya Janeye Rah_e ZIndagi Main
Ye Hum Sey Zayada Surkh-ro Hoon
In Ko Bhi Miley Sukhn Ki DOlat
Aur In Ki Sadaain Chaar SO hoon
In Ko Bhi Majaal_e Guftugu Ho
In Main Bhi Bahaduri Ki Kho Ho
Is Dast_e Firaaq Hi Sey Suljhey
Rishtey Jo Sabhi Ulajh Gai They
Ashkoo.n Hi Sey Dhul K Jagmagaay
Wo Eh’d Jo Khaak Main Chupey They
Toota Howa Taar ZIndagi Ka
Tadbeer_e Rafo Sikha Gaya Hay
Jhomar Ye Nigaar_e Zindagi Ka
Bikhra Tu Kahan Kahan Saja Hay!
