“to us se kehna”
aye meray angan ki sard hawa
yadon ke khushk paton ka lams le kar
jo us ke nagar mein jao to
us se kehna ….. !!
mein bohat kuch bhul aya hun
us ke chotay se kamray mein
khushi se bahay woh sab ansu
jo us ki dairy mein
apna saja hua naam parh ke niklay
keh apna naam surkh roshnai mein
mein ne pehli baar dekha tha …. !!
meray woh moti un lafzon mein
jazb hain ..!!
us se kehna ab apnay lafz sambhaal rakhay
mein ek din lenay aaun ga …. !!
us se kehna meri poron ka lams
kahien gum gaya mujh se
kissi bhi shai ko shuon to
ghani zulfon ki bheeni mehhak si aati hai
mera lams bhi us ki hair pin ke saath
ghanay balon mein kahien kho gaya shaid
aye meray angan ki sard hawa
tum us ke chote se kamray mein jao to
us se kehna …… !!
apni xulfon ko mehkaye rakhna
,ein ek din zarur aun ga
teri zulfon se hara lams lenay .. !!
awr ek awr baat tum us se kehna tum
mein , mera kamra awr mera angan
awr sab phool bhi
bohat sard ho chuke hain
mein apni zaat ki har woh garmaish
jo zindagi ki alamat hai
teri gudaaz bahon mein bhul aya hun
so tum ab un ko kabhi sard na honay dena
meri yadon ko seenay se lagaye rakhna
jo us ke nagar mein jao to us se kehna
in sab soghaton ki koi nanhi si potli sambhal rakhay
keh ab jab sawan aye ga
to yeh sab lenay aaun ga .. !!
aye meray angan ki sard hawa
yadon ke khushk paton ka lams le kar
jo us ke nagar mein jao
to us se kehna ….. !!
…
Ғαśłή ÁҢmêÐ