**Titlion K Mosam Mein
Nochna Gulabon Ka
Reet Is Nagar Ki Hai Aur Janay Kab Se Hai?
Dekh Kar Parindon Ko
Bandhna Nishanon Ka,
Reet Is Nagar Ki Hai Aur Janay Kab Se Hai?
Ajnabi Musafat Mein,
Ajnabi Musafir Per,
Aitbar Kar Lena,
Aur Jab Bicharna To,
Mangna Duaon Ka,
Reet Is Nagar Ki Hai Aur Janay Kab Se Hai?
Tum Abhi Naye Ho Na..!!
Is Liye Preshan Ho,
Mushkilein Jab Aati Hain,
Kab Kisay Batati Hain?
Mushkilon K Aanay Per Tootna Sahaaron Ka,
Reet Is Nagar Ki Hai Aur Janay Kab Se Hai…!!!**
