Wo dil ki baaten zamane bhar ko na youn sunata mujhe batata
Wo ik dafa to meri mohabbat ko aazmata mujhe batata
Zuban-e-khalqat se jaane kya kya wo mujh ko bawer kara raha hai
Kisi bahane he anaa ki deewar girata mujhe batata
Zamane walon ko kya pari hai sunen jo haal-e-dil-shikasta
Magar meri to ye aarzoo thi mujhe bulata mujhe batata
Mujhe khabar thi ke chupke chupke andhere us ko nigal rahe hain
Main us ki raah main apne dil ka diya jalata mujhe batata
"Muneer"us ne sitam kiya ke sheher chor diya khamashi se
Main us ki khatir ye duniya hi chor jaata mujhe batata