Khayaal-o-Khvaab hu’aa, barg-o-baar kaa mausam
bichhaR gayaa terii suurat, bahaar ka mausam
ka’ii rutoN meN mere niim-vaa dariichoN meN
Theher gayaa hai tere intezaar ka mausam
vo narm lehje meN kuchh to kahe,yaa lauT aaye
sama’atoN kii zamiiN par phuaar ka mausam
payaam aaye haiN, phir eik sar-e-qaamat ke
mere wajod ko khaiNchay hai daar ka mausam
vo aag hai ke merii poor poor jalti hai
mere badan ko milaa hai chanaar ka mausam
rafaaqatoN ke naye khwaab khushnuma haiN, magar,
guzar chukaa hai tere aitbaar ka mausam
havaa chalii to nayii baarisheN bhii saath aayiiN
zamiiN ke chehre pe aayaa nikhaar ka mausam
vo meraa naam liye jaaye aur maiN uss kaa naam
lahuu meN guuNj rahaa hai pukaar kaa mausam
qadam rakhe meri Khushbuu, ke ghar ko lauT aaye
ko’ii bataaye mujhe kuu-e-yaar ka mausam
vo roz aa ke mujhe apnaa pyaar pehnaaye
mera Ghuruur hai bailay ke haar ka mausam
Parveen Shakir
