Teri Tamseel Hy Talab Teri,
Meri Takmeel Hy Talab Teri.
Main Zamanon K Chaak Par Raqsaa’n,
Mujh Mein Tahleel Hy Talab Teri.
Aik Saif-Ul-Malook Masti Hy,
Us Mein Ik Jheel Hy Talab Teri.
Maoj-Zan Dajla-o-Furaat-e-Khayal,
Waadi-e-Neel Hy Talab Teri.
Mus,haf-e-Laa-Makaa’n Tera Chehra,
Husn-e-Tarteel Hy Talab Teri.
Meri Saanson K Saaz Ki Dam-Saaz,
Taar-e-Tanzeel Hy Talab Teri.
Aik Qandeel Hy Tuloo-e-Sahar,
Qalb-e-Qandeel Hy Talab Teri…!