Tere khushi se agar gham mey bhi khushi na huee
wo zindagi tu mohabat ki zindagi na huee
kahan wo shoq, mulaqat khud se bhi na huee
bas aik baar huee phir kabhi na huee
teher teher dil-e-betaab pyaar tu karluun
ab uss ke baad mulaqat phir huee na huee
mere khayal se abhi aah mujh ko bod raha
hazar tarha se chaha bara-bari na huee
koee barhe na barhe ham tu jaan dete hain
phir aesee chashm-e-tawajo h****uee huee na huee
tamaam harf wa hikayat tamaam deeda-o-dil
iss ehtemaam pa bhi** sharh-e-aashqi na huee**
teri nigah-e-karam ko bhi aazmaa dekha
azeeyaton mein na honi thi kuch kami na huee
kisi ki mast nigahi ne haath thaam liya
shareek-e-haal jahan meri bekhudi na huee
saba ye unn se hamara payaam kehde na
gaye ho jab se chale subh wa shaam he na huee
idhar se bhi hai siwa kuch udhar ki majboori
ke hamne aah tu ki unn se aah bhi na huee
khayal-e-yaar salamat tujhe khuda rakhe
tere ba-ghaer kabhi ghar mein roshni na huee
gaye thay ham bhi Jigar****jalwa gah-e-jaana mein
wo puchte he rahe ham se baat bhi na huee
By: Jigar Moradabadi