Teri Khushbuu ka pata karati hai
mujh pe ehasaan hawa karati hai
shab ki tanhaai meiN ab to aksar
guftagoo tujh se raha karati hai
dil ko us raah pe chalana hi naheeN
jo mujhe tujh se juda karati hai
ziNdagi meri thi lekin ab to
tere kahane meiN raha karati hai
us ne dekha hi naheeN warna ye aaNkh
dil ka ehawaal kaha karati hai
be-niyaaz-e-kaaf-e-dariya, aNgusht
ret par naam likha karati hai
shaam paDate hi kisi shaKhs ki yaad
kuuchaa-e-jaaN meiN sada karati hai
mujh se bhi us ka hai waisa hi suluuk
haal jo tera anaa karati hai
dukh hua karata hai kuchh aur bayaaN
baat kuchh aur hua karati hai
abr barase to inaayat us ki
shaaKh to sirf dua karati hai
masala jab bhi uTha chiraagoN ka
faisala sirf hawa karati hai
nice ! thanks 4 sharing !
u welcome lamhay
:k:
Very Nic Kamal 
**dil ko us raah pe chalana hi naheeN
jo mujhe tujh se juda karati hai **
Wah …
thanx koyal
thanx GS