**Teri Khushboo kaa pataa kartee hai **
**Mujh pey ehsaan hawaa kartee hai **
**Shab ki tanhaa_ii mein ab to aksar **
**Guftguu tujh se rahaa kartee hai **
**Dil ko us raah pe chalnaa hi nahii **
**Jo mujhe tujh se judaa kartee hai **
**Zindagi meri thii lekin ab to **
**Tere kahne mein rahaa kartee hai **
**Us ne dekhaa hi nahee wernaa ye aa.Nkh **
**Dil kaa ehvaal kahaa kartee hai **
**Shaam partey hi kisi shaKhs ki yaad **
**koochaa-e-jaa.N mein sadaa kartee hai **
**Mujh se bhi us kaa hai vaisaa hi sulook **
**Haal jo teraa anaa kartee hai **
**Dukh huaa kartaa hai kuch aur bayaa.N **
**Baat kuch aur huaa kartee hai **
**Abr barsey to inaayat us ki **
**ShaaKh to sirf duaa kartee hai **
**Masalaa jab bhi uthaa chiraaGon kaa **
Faisalaa sirf hawaa kartee hai
