Teri Furqat Mein Jo Guzaari Thi
Zindagi Se Woh Raat Bhaari Thi
Ashkon Ki Taar Sab Jissay Samjhay
Zakhm-e-Dil Ki Woh Aabeyaari Thi
Khoon Mein Ab Tak Rawaan Azziyat Hay
Tum Ne Rag Rag Main Jo Utaari Thi
Sab Teray Zikr Se Gurezaan Thay
Kitni Rasmi Si GhamGusaari Thi
Hum Teray Hijr Mein Jiye, Kam Hai?
Dil Tha Nazuk Yeh Chot Kaari Thi
Raah Main Tum Mil Gaye Achanak, Jab
Ek Rahzan Ki Talaash Jaari Thi
Kuch Tou Mujh Ko Sila Milay Yaaro
Main Ne Har SaanS Tum Peh Waari Thi
Har Shab Si Raat Thi Kal Bhi
Hum Thay Aur Akhtar Shumaari Thi
k: