Teri Aankhon Mein, Meray Dil Ka Naqsha Ho Bhi Sakta Hai
Jisay Deewar Samjha Hai Woh, Woh Rasta Ho Bhi Sakta Hai
Zamana Gour Se Dekhay, Jisay Is Ne Khuda Samjha Hai
Woh Is K Haath Ka Pathar Tarasha Ho Bhi Sakta Hai
Nazer Se Soor Reh Kar Bhi, Kisi Ki Soch Mein Rehna
Kisi K Pass Rehnay Ka Tareeqa Ho Bhi Sakta Hai
Woh Apni Sard Mehri Se, Mujhey Had Mein To Rakhta Hai
Mera Had Se Guzarnay Ka Irada Ho Bhi Sakta Hai
Bhari Dunya Ka Maila Sath Ho To Koan Si Mushkil
Mager Aik Shakhs Maila y Mein Akela Ho Bhi Sakta Hai
Ye Seedhi Raah Par Chalna, Kahan Se Seekh Aaye Ho
Ye Raasta Dosti Ka Hai, Ye Terha Ho Bhi Sakta Hai
Mein Apnay Jism-o-Jaan Ko Sath Rehtay Daikh Kar Samjha
Nibhana Ho Jisay Mushkil Woh Rishta Ho Bhi Sakta Hai
Uchalta, Thokarain Khata Huwa Paani Ka Aik Dhaara
Teray Dil Ka Pohanchnay Ka Bahana Ho Bhi Sakta Hai
Nikal Kar Band Kamrey Se Zara Bazaar Mein Aao
Ager Tum Daikhna Chaho, Tamasha Ho Bhi Sakta Hai
