TEREY HONTON KE PHOOLON KI CHAHAT MAIN HUM
DAAR KI KHUSK TEHNI PE WAREY GAYE
TEREY HAATHON KI SHAMMON KI HASRAT MAIN HUM
NEEM TAREEK RAHON MAIN MAREY GAYE
SOOLIYON PER HAMAREY LABON SE PAREY
TEREY HONTON KI LALI LAPAKTI RAHI
TERI ZULFON KI MASTI BARASTI RAHI
TEREY HAATHON KI CHANDI DAMAKTI RAHI
JAB GHULI TERI RAHON MAIN SHAM-E-SITAM
HUM CHALEY AAYE, LAYE JAHAN TAK QADAM
LAB PER KHARF-E-GHAZAL, DIL MAIN QANDEEL-E-GHAM
APNA GHAM THA GAWAHI TEREY HUSN KI
DEKH QAYEM RAHEY IS GAWAHI PE HUM
HUM JO TAREEK RAHON MAIN MAREY GAYE
NAARSAI AGAR APNI TAQDEER THI
TERI ULFAT TO APNI HI TADBEER THI
**KIS KO SHIKWA HAI GAR SHOQ KE SILSILEY **
HIJAR KI QATALGAHON SE SAB JA MILEY
AUR QATALGAHON SE CHUN KAR HAMAREY ALLAM
NIKLEIN GE USHHAQ KE KAFLEY
JIN KI RAH-E-TALB MAIN HAMAREY QADAM
MUHTISAR KAR CHALEY DARD KI FASLEY
KAR CHALEY JIN KI KHATIR JAHAN GEER HUM
JAAN GANWAA KAR TERI DILBARI KA BHARAM
HUM JO TAREEK RAHON MAIN MAREY GAYE
Faiz Ahmed Faiz
May 15, 1954
Mintgumri Jail
Shab 12.00