tere utare huay din
tangay hain lawn main ab tak
na wo puranay howay hain
na un ka rang utra
kahin se koi bhi sewan abhi nahin udhrri
ilaaichi ke buhat pass rakhay pather per
zara si jaldi sarak aaya karti chaon
zara sa aur ghana ho gaya hai wo pauda
main thora thora wo gamla hatata rehta hoon
faqeera ab bhi wohin meri coffee daita hai
galehrion ko la kar khilata rehta hoon biscuit
galehrian mujhay shak ki nazar se daikhti hian
wo tere hathon ka mask jantin hon gi
kabhi kabhi jab utarti hai cheel sham ki chat se
thaki thaki si zara dair lawn main ruk kar
safaid aur gulabi musunde ke paudon main ghulne lagti hai
ke jaisay barf ka tukra pighalta jaye whisky main
main scarf din ka galay se utar daita
tere utare huway din pehan ke ab bhi main
teri mehak main kai din kaat daita hoon
tere utare huay din
tangay hain lawn main ab tak
na wo puranay howay hain
na un ka rang utra
kahin se koi bhi sewan abhi nahin udhrri
(GULZAR)
