Wohi bewaja si udasiyan kabhi wehshatein tere shaher mein*
tu gya to mujh se bichhar gaein sabhi ronkein tere sheher mein
meri bebasi ki kitaab ka koi warq tu ne para nahi
tujhe kia khaber kahan mar gyen meri khuwahishein tere sheher mein
sabhi hath mujh pe uthe yahan sabhi lafz mujh pe kasse gay*
meri sadgi k libaas per pari silwatein tere sheher mein
wo jo khasta haal ghareeb the kahin bastiyon mein mukeem the*
unhein kia hoa k woh seh gay sabhi tohmatein tere sheher mein
yahan loog bikte hein dosto, yahan tajiron ki kami nahi
her shaks ki hein lagi huein kai keematein tere sheher mein
tu b yaad-e-maazi mein he mager kai khuwab or bhi the AQEEL*
phir yeh hoa k dafan huein sabhi chahatein tere sheher mein