Emotions of some day..Shaayad aap logoN to pasnad aaye…
Kya kya soNch kar aaye the, tere shahar meiN hum
Kitne sapne saath laaye the, tere shahar meiN hum
Hum yuN bhi kuchh apne na the, tujh se laga ke dil
Chalo begaaney ho to gaye, tere shahar meiN hum
Dunia samajh rahi hai, tujhsa dost nahiN, magar
Dushman se badtar jeete rahey, tere sahar meiN hum
Na jaane kya sabab hai, es be-mausaam-e-khizaN ka
YuN to bahaar laaye the, tere shahar meiN hum
Es se haseentar the, zudaai ke din sanam
Kitne tanha ho gaye haiN, tere shahar meiN hum
SoNcha tha haal-e-dil, sunaayeNge baith kar
Mil bhi na sake tujhse, tere shahar meiN hum
Na jee sakeN, na mar sakeN,ne haNs sakeN, na ro sakeN
Na jaane kya kartey rahe, tere shahar meiN hum
Khud bhi to khush nahiN the, tere ishq meiN magar
Tujhko bhi pareshaaN kar gaye, tere shahar meiN hum
Tere bhi kahaaN kareeb the, jo koi malaal ho
Apne se jo bichhDe haiN, tere shahar meiN hum
Khud bhi zabt kar gaye, tujhko bhi na majboor kiya
YuN ishq ko bulaNd kiye, tere shahar meiN hum
Kya hua jo umra meiN chhota raha hai tu
Tujhse bhi kuchh seekh liye, tere shahar meiN hum
Baza ye zabt-e-gham phir bhi,mohabbat meiN kabhi ro ley
Dabaane ke liye har dard, ye naadaN nahiN hota.
[This message has been edited by Pramod (edited March 11, 2002).]