http://i39.tinypic.com/313m77r.jpg
Be-karaan tanhaeyoun ka silsila reh jaayega
Tere mere darmeyaan bas ek khala reh jayega
Aks beh jayenge sare dhoop ke sailaab mein
Aur koi paaneyoon mein jhankta reh jayega
Mujh ko mere hamsafar aisa safar darpaish hai
Raasta kat bhi gaya tau faasila reh jaayega
Log so jayenge khamoshi ki chaadar orrh kar
Chaand soonay aanganoon mein jaagta reh jayega
Jo kabhi us ne parheen theen mujh se ‘Nasir’ maang kar
Naam mera un kitaaboon mein likha reh jaayega …
*