Tere lams ki hiddat ko jab tarasti hun main
shab ki tanhaai main bohot tadapti hun main
tilismii raat ka jadoo chaaya jaan-e-jaan
teri aagosh main bikharne ko machalti hun main
shab-e-hijr aur ye tanhaai ka aalam
tere na hone se toot ker bikherti hun main
jaanti hun tera wajood saraab-e-tanhaai hai
phir bhi tere ehsaas se ji behlaati hun main
shab-e-wasl bistar pe karwaton main guzar gai
har shab kuch aise aalam main sisakti hun main
tere jism ki khushboo se mehekta hai tan-man
tere qurb ki chah main har shab sulagti hun main