Tere Jaisa Mera Bhi Haal Tha, Na Sukoon Tha, Na Qaraar Tha,
Ye Ho Umr Thi Mere Hum-nashee’n K Kisi se Mujhko Bhi Pyaar Tha,
Main Samajh Raha Hoon Teri Kasak Tera Mera Dard Hai Mushtarak,
Isi Gham Ka Tu Bhi Aseer Hai, Isi Gham Ka Main Bhi Shikaar Tha,
Faqat Ek Dhund Thi Ke Raat Din Isi Khwab-Zaar Mein Gum Rahein,
Wo Suroor Aisa Suroor Tha, Wo Khumar Aisa Khumaar Tha,
Kabhi Lamha Bhar Ki Guftugoo Meri Uske Sath Na Ho Saki,
Mujhe Fursatein Na Mil Sakein Wo Hawa Ke Reth Par Sawaar Tha,
Hum Ajeeb Tarz Ke Log The Hamare Aur Hi Rog The,
Main Khizan Mein Tha Uska Muntazir, Use Intezaar-e-Bahaar Tha,
Use Padh k Tum Na Samajh Sake Ke Meri Kitaab Ke Roop Mein,
Koi Qarz Tha Kayee Roz Ka, Kayee Rat-jagon Ka Udhaar Tha…
