TERE JAANE KE BAAD..
Shaam ne, raat mein tabdeel hote huwe kaha
Aaj main udaas hoon
Sooraj ne maghrib mein doobtey huwe
Sitaare ne aasmaan se toot kar girte huwe
Mausam-e-bahaar ne aakhri hichki lete huwe kaha
Aaj main udaas hoon
Khilte huwe phool ne murjha kar
Aur unnteeswein ke chaand ne Alwida kehte huwe kaha
Aaj main udaas hoon
Khizaan ke mausam ne mujh se poocha
“Kya tum bhi meri tarha udaas ho”?
Main ne apne chehre par jhooti hansi ka parda saja kar kaha
Nahi…Main Udaas Tau Nahi…
Phir main ne munh doosri taraf kar ke aankh band kar li
Aur Ek Aansoo Meri Palkon Se Rukhsaar Par Tapak Gaya…
