something different and very spontaneous.
tumhe zid hai ke iqrar-e-wafa tum ne nahi karna,
meri taqdeer mai rang-e-hina tumne nahi bharna,
tumhe manzoor hai shayad mera ghut ghut ke marna,
tumhare faislay pe ab sar tasleem-e-kham hoga.
mai apne hont sii loonga,
yoonhi be kaif jeeloonga,
tere hijr ki tasweer ko dil mai sajaloonga,
tere jabr, mere sabr ko mai aazma loonga.
magar ek baat poochoon?
tumhe apni qasam ke sach kehna,
tere dil mai mere naam se halchal nahi hoti?
mere khat se tere jazbaat mai koi toofaan nahi uthta?
raaton mai meri yaadon ki shame nahi jalti?
to phir tum ne ye rida kyoon taan rakhi hai?
ye dil mai thaan rakhi hai ke,
bohat bechain khud rehna,
mujhe barbaad sa rakhna
bhullana bhi to uske saath,
kuch kuch yaad sa rakhna.
har ek andaaz ko apne sitam, eejad sa rakhna.
agar is shauq se tum ko taskeen milti hai,
to mere zakhm-e-talab ka tazkara ab kam se kam hoga,
tere faislay pe mera sar, tasllem-e-kham hoga!