*~*Tera Zarori Hai Paar Jana*~*

Arts & Culture Poetry ( Intikhaab & Sho'ra-e-Gupshup)
1

**Humein Kinarey Ki **
**Kab **Tamuna,
**Lakin Hai Tumko Tu **Paar Jana
**Bi-Pherti Mojein **Bata Rahi Hain
**Khiraaj ****Ga **Tum Se Darya
**Jo Meri Maano, **
Tum Aisa Ker Lo!
**Mujey Tum **Shareek-e-Safar Bana Lo
**Khiraaj **Mangey Jo Tum Se Darya
**Bhanver **Mein Mujey
Tum Utaar Jana
Tera Zarori Hai Paar Jana
**:flower2:~~By~Sama~~:flower2:

2

Re: ~Tera Zarori Hai Paar Jana~

Perhaps you missed something in line number 5 :slight_smile:

Very touch:k: Nice stuff Samavia

A little suggestion if you don’t mind. Whatever you use to address the main character of your ghazal/nazm or call yourself with, always stick to it. Suppose you use “tum” to address him, don’t call her “tu”. And if you use “hameiN,” don’t use “mujhey” for yourself. It looks very odd and doesn’t go well with the readers. Happy writing :slight_smile:

Please Welcome
3

Re: ~*Tera Zarori Hai Paar Jana~*

**Mujhey kinarey ki kab tamanna **
TumheiN hai daryaa key paar jana
Mager yeh socho
Key aaj daryaa charha hua hai
Ba-pharto maujoN ki surkh aaNkheiN bata rahi haiN
Khiraaj maaNgey ga aaj daryaa
Tera zaroori hai paar jana
To aisa karlo
Mujhey shareek-e-safar bana lo
Key mera kya hai
Khiraaj maangey jo tumsey daryaa
Mujhey bhaNwar meiN utaar jana
Tera zaroori hai paar jana

It's a lovely poem... by Shameer Hassan Farooqui :-)

Please Welcome
4

Re: ~Tera Zarori Hai Paar Jana~

Now what does it mean? Kuch garr’barr hey kya? :confused:

5

Re: ~*Tera Zarori Hai Paar Jana~*

ERmmmm after readin KN's reply .. okay .. don't like this at all

6

Re: ~*Tera Zarori Hai Paar Jana~*

Very nice.... keep it up khush rahoo

7

Re: ~*Tera Zarori Hai Paar Jana~*

hummm

8

Re: ~Tera Zarori Hai Paar Jana~

In fact I think key “kuch” nahiN, balkey bahut kuch gar’baR hai.. see this link..

http://poetrypk.com/modules.php?name=News&file=print&sid=26256

And the other poems by Samavia are kind of suspicious as well, because I’ve read them at some msn group… It could be that she is that same user, so cannot say anything about that.. but this one was definately posted at the wrong place :slight_smile:

9

Re: ~Tera Zarori Hai Paar Jana~

Sallam 2 All,
Well jis ney is ko meri kaavish samjh ker passand kiya uska main teh-e-dil se shukriya hoon or jinhein aisa lagta hai ke main ne churaai hai tu sirf itna hi arz kerti hoon ke…
1- 1 MAA tu scientifically is baat ko proof ker sakti hai ke ye BACHA uski takhleeq hai lakin kissi bhi poet ke paas iska koi saboot hai ke ye uski takhleeq hai or meray jaisay non-famous ka tu shumaar hi kahin nahi hai na…
2- agar ye meri nahi hoti tu main issay INTEKHAAB mein post ker sakti thi jaisay ke or bhi bohut si ki hain Sho’ra grop mein nahi kerti itna humiliat honay ki liye.
App nay sahi kaha ke aap nay ye poetry msn group main parhi ho gi posted by EMPTYHEART4. sending the link.
http://groups.msn.com/GCLAHORE/profile?user=EmptyHeart4%E2%9C%93
I am sorry ke mujey se sab yahan kehna parr raha hai voh issliye ke KHAMOSHNIGAHEIN ne muj per ilzaam bhi tu sab ke saamnay hi lagaya hai na…
ADMIN chahein tu iss thread ko delete ker saktay hain…lakin jo mera hai voh mera hai.
or aaj ke baad main koi poetry send nahi keron gi na yahan apni na INTEKHAAB mein agar kissi ko khawahish ho tu voh iss link per parrh sakta hai…
http://groups.msn.com/GCLAHORE/homepage.msnw
aanson :teary3: ke saath ALVIDA.
Allah Bless U EVER. Ameen

1 baar phir itnay long reply ke liye maazrat.

10

Re: ~Tera Zarori Hai Paar Jana~

WaSalaam… :slight_smile:

Samavia, yeh jo aapney poem post ki thi “tera zaroori hai paar jana” oopar mainey iski link copy pastey ki hai… poetrypk ki site sey, na key us msn group ki jiski aap member haiN… aur ispey kisi aur ka naam likha hua hai. Yeh poem mainey kaafi der pehley parhi thi aur ab yahaN aapney post ki to zara confusion meiN paRr gayi. MaiN yeh nahiN kehti key yeh poem aapki ho nahiN sakti… it could be yours, but in that case that other site would be wrong with the name, because till the day of today I’ve been thinking that this poem was composed by Farooqui.

Doosri baat yeh key mainey aap pey koi ilzaam nahiN lagaya… Mainey bas yeh kaha tha key baat zara “suspicious” si lag rahi hai… kyuNkey jo poems udher post hoti haiN.. matlab key us msn group meiN… woh idher bhi hoti haiN… LEKIN koi bhi ilzaam laganey sey pehley mainey aapko aapki doosri thread meiN baqai’daa poocha hai key kya aap wohi user to nahiN haiN.. aur issi thread meiN link deney key saath saath, mainey yeh kaha bhi hai

Teesri baat… yahaN pey koi aapko humiliate nahiN kar raha… Yeh open family forum hai, aur yahaN hum ek doosrey sey har roz naye tajurbey haasil kartey haiN. Ek doosrey sey seekhtey haiN.. apni ghaltiyoN ko seedha karney ki koshish kartey haiN… aur sabsey important… ENJOY kartey haiN… humiliate nahiN!

Chout’hi baat… ager insaan apni baat ka pakka ho.. to ussey kabhi kisi cheez ko prove karney ki zaroorat nahiN hai… KyuNkey insaan jitna prove karney ki koshish karey ga.. dunya utna zyada hi uskey peechey peechey bhaagey gi, aur uski baat ko utna zyada ghalat saabit karney ki koshish karey gi. Jaisey key aapney kaha hai key jo cheez aapki hai, aapki hi rahey gi… :slight_smile: Rahi baat science ki… to haaN.. maaN yeh baat bhi sirf scientifically prove kar sakti hai key bacha uski takhleeq hai, lekin aaj kal key daur meiN science bahut aagey barh chuka hai… Experts comparisions key saharey yeh bhi bata saktey haiN key koi kahani/poem/letter… kuch bhi.. key woh aapka likha hua hai key nahiN. Ab maiN yeh nahiN keh rahi key aapko bhi yehi karwana hoga… lekin it was meant as an example.

At last yeh kehna chahooN gi key kisi ek ki waja sey, dheRoN pyarey pyarey logoN ko chor key chaley jana koi achi baat nahiN… YahaN aapkey chanD dinoN meiN bahut sey fan ho gaye haiN… meri waja sey doosroN ka dil toRna bahut ghalat baat hogi… Aur aapney yeh bata key aap wohi user haiN, meri woh ghalatfehmi bhi door kardi. Argue is poem pey tha… jiskey barey meiN mujhey abhi bhi confusion ho rahi hai.

Mainey aap pey koi ilzaam nahiN lagaya.. mera dil bilkul saaf hai… par ager phir bhi aapko aisa mehsoos hua ho key mainey ilzaam lagaya hai to is baat key liye apologize karti hooN. Mera hargiz yeh matlab na tha… Ansoo bahut qeemti hotey haiN… mujh jaisey anjaan logoN key liye bahana inki tau’heen hogi… Keep writing and keep sharing… :slight_smile:

Allah ki amaan meiN :slight_smile:

:wave:

11

Re: ~Tera Zarori Hai Paar Jana~

Thanks To KN she pointed out something she Found suspicious…

Thank to SAMA that she explained the Stuff…

And Thanks to KN again for Her Explaination. :slight_smile:

SAMA… Let me assure you one thing, The most Caring people on GS are the People who comes to GS Poetry, I am saying it as per my experince, ppl who have soft hearts normlay love Poetry.
And Secondly, Koi Jagaa choR ke chalay jana… or Retreate, or Backoff whatever you call it… if you face some problem some where is the EASIEST way.

To face people and Take Your Right for what is your is the courageous Act.

:wave:

12

Re: ~Tera Zarori Hai Paar Jana~

kia hum bhi in main shamil hain??? :confused:

13

Re: ~Tera Zarori Hai Paar Jana~

U R right Golden Scorpion but some time its better to leave coz life is too harsh and some people dont have that much courage or luck too…Anyways Thanks A lot.

14

Re: ~Tera Zarori Hai Paar Jana~

Thank U KhamoshNigahein Ke aap ne itna detail reply kiya or aap ko Apologize kernay ki zarorat nahi hai coz ye sirf MISUNDERSTANDING thi.
EmptyHeart4 mera hi MSN nick hai.
Or aap ko aisa kiyon laga ke aap anjaan hain or mery aaonson ki toheen ho gi agar aapke liye baahongi… tu yahi araz hai ke mujay ye forum join kiye hovay bohut arsa tu nahi hova shayad 1 month se bhi kum lakin kuch logon ki aadat hoti hai na ke voh jab kissi ko apnaatay hain tu pooray dil se apnaatay hain or BUDQISMATI se meraa shummar unhi logon mein hota hai coz issi aadat ki waja se bohut kuch saha hai life mein… apna bohut sa khayal rakhiye ga or hameesha khush rahiye aap sab…
Allah Hafiz

15

Re: ~Tera Zarori Hai Paar Jana~

SAMA… OKie.. JO hua so Hua.. Nice to See you again after a gap :slight_smile:

AZAD bhai… Ye… aap bhi shamil haiN… 2nd number pe… Offcourse from LAST :mocking:

Getting Marride on 2nd June : )
Getting Marride on 2nd June : )
16

Re: ~Tera Zarori Hai Paar Jana~

Thanks for pointing out :slight_smile: Ansoo yuN har kisi key liye nahiN bahaaye jaatey, aur especially anjaan logoN key liye nahiN. Zindagi jaisi bhi ho.. mushkilaat har kisi ki zindagi mein aatey jaatey rehtey haiN. Ager hum yeh sochney lagey key humsey zyada takleef meiN aur koi nahiN ho sakta, to zindagi wahiN ki wahiN hi theher jaye gi… Keep living and facing the facts of life… Wish you good luck with everything.. and please keep posting your own written poems as well, as there is a great poet hidden inside you! :slight_smile:

:wave:

Finally .....