Kahin be kinarey se ratjagey..kahin zernigar se khwab de
Tera kya usul hai zindagi ..?!?! Mujhey kaun isska hisaab de.
Jo bichha sakun teray wastey…jo saja sakein teray raaste …
Meri dastaras mein sitarey rakhh …Meri muththiyon ko gulaab de.
Yeh jo khwahoshon ka parind hai …issey mosamon se gharz nahin
yeh urrey ga apni mauj mein …issey aab de kay sarab de!
Tujhey chhu liya tou bharak uththey ..meray jsim o jaan mein charagh se
Issi aag mein mujhey raakh ker … issi sholagii tou shabab de
KAbhi yuun bhi ho teray ru baru ..mein nazar mila ker yeh keh sakun
" meri hasraton ko shumar ker …meri khwahishon ka hisaab de"
Teri ik nigah kay faiz se ..meri kasht e harf chamak uththey
mera lafz lafz ho kehkashan …mujhey aik aesi kitaab de