Tera kya huun mein....

Daagh · August 12, 2003, 3:30pm

**
sadma to hai mujhe bhi ki tujhse judaa huun main
lekin ye sochta huun ki ab tera kya huun main

bikharaa padha hai tere hi ghar mein tera vajuud
bekaar mahafilon mein tujhe dhuudhta huun main

main khudakashii ke jurm kaa karataa huun aitaraaf
apane badan ki qabr mein kabase gadaa huun main

naa jaane kis adaa se liyaa tuune mera naam
duniyaa samajh rahi hai ke sab kuch teraa huun main
*

le mere tajurbon se sabak ae mere raqiib
do chaar saal umr mein tujhse badaa huun main

jaagaa huaa zameer vo aaina hai “Qateel”
sone se pahale roz jise dekhta huun main
**

Philanthrope · August 12, 2003, 3:39pm

Wah.. Bohat hi khoob.. :k:

Daagh · August 12, 2003, 3:43pm

thanks Philanthrope :)

system · August 12, 2003, 4:22pm

Bohat khoob :k::k:

Koyal · August 12, 2003, 4:33pm

bohat khubsurat gazal sallu g…

but kis ne kaha tha judaa honay ko phir a he gaye na :p..
itnay sadmay na uthaia karo aur murghay khaia karo aur yehi raha karo…

Ummehani · August 12, 2003, 5:21pm

naa jaane kis adaa se liyaa tuune mera naam
duniyaa samajh rahi hai ke sab kuch teraa huun main

bohat khoobbbbb! (:

:k:

system · August 12, 2003, 5:27pm

bohot khoob!!!

baziger · August 12, 2003, 5:56pm

wonderfull…thanks for sharing..

Daagh · August 12, 2003, 7:57pm

hehehe murgay khaana and sadma karna are two different things mein yeh dono alag alag time par karta hoon na

Nawazish

Daagh · August 12, 2003, 7:58pm

many thanks for appreciating

Viva, ummehani, niqabi and baziger