TasveereiN Bolti Hein — 5 | CLOSED

Arts & Culture Poetry ( Intikhaab & Sho'ra-e-Gupshup)
1

Azizaan-e-man :salam:

TasveereiN Bolti Hein (TBH) ka 5th edition haazir hey. Aap ki ilm meiN ye to ho ga hi ke is thread meiN aap ko di gai tasveer ke mutaabiq aashaar post karney heiN, is ke saath meiN ye bhi batata chalooN ke is baar hameiN aek judge ki khidmaat bhi moyassar hoN gi jo ke tasveer ke mutaabiq behtareen sheir ka intikhaab karey ga aur muntakhib-shuda member TBH ke agley edition ke leeye tasveer mohaiya karey ga. Judge ka naam fil’haal announce nahi kia jaey ga. Is thread ke close karne ke leeye koi waqt moaiyan nahi hey. Taaham isey munasib waqt par close kar dia jaey ga.

Is tasveer ke maozooaat meiN shaam, chaand, duwa, titliyaN, intizaar waghera shaamil heiN. Aap apney mutaabiq is tasveer par mukhtalif aashaar maozu kar saktey heiN.

http://i55.tinypic.com/2qxrqqh.gif

[note]
Tasveer ko apney aassaar ke saath quote karne ke leeye ye link istimaal kijeeye:

http://i54.tinypic.com/2rd9cuc.gif
[/note]

2

Re: TasveereiN Bolti Hein — 5

judge ka pehle bata dein take me ro ro ke unka mind ghuma doon :@: :crying:

3

Re: TasveereiN Bolti Hein — 5

**Main Apna Aaj, Apna Kal Tumharay Naam Kerta HooN

Main Iss Jeevan Ka Her Ek Pal, Tumharay Naam Kerta HooN

Sitaray, TitliyaaN, Jugnoo, Gul-o-bulbul, Dhanak, Khusboo,

Yeh Saray Husn Kay Chal-Bal Tumharay Naam Kerta HooN

Barasta Bheegta Mosam Hay Kamzori Meri Lekin

Main Yeh Sawan, Ghatta, Badal, Tumharay Naam Kerta HooN...**

4

Re: TasveereiN Bolti Hein — 5

http://i54.tinypic.com/2rd9cuc.gif

Ae chand..!
Usay kehna wo jo dour bohat dour basta hy,Usy koi yaad karta ha or,Behisaab Karta Hai,
"Usay kehna..!
Jab wo kisi or k sang hasta ha,
to phir dour bohat dour kisi ka dil darhakta ha
or,jab wo udas hota ha
"Usay kehna..!
Pass uske na koi ghum shanas hota ha,
to phir dour bohat dour kisi ki ankhon se laho barast ha
"Ae chand..!
usey kehna,jisy wo chor aya tha,
jisey wo tor aya tha,wo aaj be tere aas pass basta ha..

5

Re: TasveereiN Bolti Hein — 5

main dhool hoon, tho mujh ko hawa main ura lain.
main chand hoon tho mujh ko saja aasman par

6

Re: TasveereiN Bolti Hein — 5


tor diye sub rishtay sub bundhaN kisi kaliye
haaN ab bhi dil dharakta hai isi kaliye
milgya sub kuch khuda say Dua'aon kay badh
aye nahi taseer magar Dua main isi kaliye

7

Re: TasveereiN Bolti Hein — 5

Meri Talab Tha Aik Shaks, Wo Ju Nahi Milla Tu Phir
Hath Dua Say YooN Girra, Bhool Gaya Sawal Bhee…

Restored attachments:

2rd9cuc.gif
2rd9cuc.gif800×600 25.6 KB

8

Re: TasveereiN Bolti Hein — 5

http://i54.tinypic.com/2rd9cuc.gif

*Haan

Chaand mujhe acha lagta hai

Kyon ke hum

Aik se musaafir hain

Aik sa muqaddar hai

Mein zameen per tanha

Aur

Woh aasmaanoo mein …

9

Re: TasveereiN Bolti Hein — 5

http://i54.tinypic.com/2rd9cuc.gif

**Usi ki yaad ke jugnooN safar ki shaam meiN heiN ke jis k naam ke sab harf merey naam meiN heiN**

10

Re: TasveereiN Bolti Hein — 5

http://i54.tinypic.com/2rd9cuc.gif

Humein jab alwida kehny lago to

Muskura dena, sitara sath ker dena

Ke rasty mein andhery bhi to aain ge

Kisi harf e doa ka ist’ara sath ker dena

Hamein zad e safar ko Bas!!

Tumhari yaad ki soghaat kafi hai

Tumhary sath mein guzra hoa pal bhi ghaneemat hai

Kaheen thehry jo rasty mein, sonehri yaad ki soorat..

Tumhen hamraah paain ge..

To hum tanha kahan hoon ge…??

11

Re: TasveereiN Bolti Hein — 5

**Suna hai raat usay chand takta rehta hay
Sitaray baam-e-falak se utar kar dekhtay haiN

Suna hay din ko usay titliyan satati haiN
Suna hai raat ko jugno thahar ke dekhtay haiN
**

Restored attachments:

2rd9cuc.gif
2rd9cuc.gif800×600 19.8 KB

12

Re: TasveereiN Bolti Hein — 5

http://i54.tinypic.com/2rd9cuc.gif

CHAAND AUR MaIN…

Haan!

Chand mujy acha lagta hai

kion kay hum

Aik say musafir hein

Aik sa muqadar hai…

Main zameen per tanha

Aur wo asmanoon mein!

13

Re: TasveereiN Bolti Hein — 5

http://i54.tinypic.com/2rd9cuc.gif

Maine Chand Aur Sitaro Ki Tamanna Ki Thi,
Mujhko Raato Ki Kali Syahi Ke Siva Kuch Bhi Na Mila,

Main Wo Nagma Hoo Jise Pyar Ki Mahfil Na Mili,
Wo Musafir Hoo Jise Koi Bhi Manjil Na Kili,

Jakham Paye Hai Baharo Ki Tamanna Ki Thi
Maine Chand Aur Sitaro Ki Tamanna Ki Thi,

Kisi Gesu Kisi Anchal Ka Sahara Bhi Nahi,
Raaste Main Koi Dhundala Sa Sitara Bhi Nahi,

Meri Najaro Ne Najaaro Ki Tamanna Ki Thi,
Maine Chand Aur Sitaro Ki Tamanna Ki Thi,

Meri Raho Se Juda Ho Gai Rahein Unki,
Aaj Badali Si Najar Aati Hai Nigahein Unki,

Jinse Is Dil Ne Kinaro Ki Tamanna Ki Thi,
Maine Chand Aur Sitaro Ki Tamanna Ki Thi,

Maine Chaha To Sisakte Hue Armaan Mile,
Maine Maanga To Umarte Hue Toofan Mile,

Dubate Dil Ne Kinaro Ki Tamanna Ki Thi,
Maine Chand Aur Sitaro Ki Tamanna Ki Thi,

Mujhko Raato Ki Kali Syahi Ke Siva Kuch Bhi Na Mila,
Kuch Bhi Na Mila, Kuch Bhi Na Mila.

14

Re: TasveereiN Bolti Hein — 5

Kabhi Tou Ki Ho Gi Chaand Ne Sooraj Se Mohabbat
Tab Hi Tou Chaand Per Daagh Hai
Mumkin Hai Chaand Ne Ki Hogi Bewafaai
Tab He Tou Sooraj Main Itni Aagg Hai

15

Re: TasveereiN Bolti Hein — 5

aiy chand souno Kuch bat kaRo
teRi baat chalay meRi raat katey
tum baat kaRoo us basti ki
badal, baRish auR masti ki…
ya baat kaRo us bandhan ki
payal ChooRi auR kangan ki
ya baat kaRoo un sapno ki
jinhe tum b socha kaRty ho

aiy chand souno Kuch baat kaRo
teRi baat chalay meRi raat katey***

16

Re: TasveereiN Bolti Hein — 5

chaLo ik auR duniya meiN
tumhaRe saath chaLte haiN
jahaN haLaat kuch bhi hooN
magaR tum ssath rahtey ho
jahaN moasam koi bhi ho
judaa'ee ka na ho lakiN
jahaN chaand bhi tum ho
jahaN sooraj,hawa,khushboo
oR gulooN ka rang bhi tum ho
jahaN peR dil dhaRknay ka
heR ik ehsaas bhi tum ho
jahaN peR meRay jeenay ki
saaRi aa's tum se ho
chalo ik auR dunia maiN
tumhaRay saath chaltey haiN

17

Re: TasveereiN Bolti Hein — 5

**
Main hoon tera khayal hai aur Chand raat hai**
** dil dard se nidhaal hai aur Chand raat hai
** phir Titliyan si uRnay lageeN dasht-e-khuwaab main
** phir khuwahish-e-wisaal hai aur **Chand raat hai
**merey tou por por meiN khushi sii bas gaii
uss par teraa khayal hai aur **Chand raat hai

Restored attachments:

2rd9cuc.gif
2rd9cuc.gif800×600 19.8 KB

18

Re: TasveereiN Bolti Hein — 5

:halo: > :stuck_out_tongue: > :cb: > :omg:

PS: Kon sey truck ke peechey parrha ye sheir? :wink:

19

Re: TasveereiN Bolti Hein — 5

aaj kal truck ka zamana gaya ab tou sms package miltay ...sms poetry har weley :D

20

Re: TasveereiN Bolti Hein — 5

Aap jesey likhney waaley market meiN aa jaeiN to aesey sheiroN sey to jaan choot jaey na :)