***tassawur mein mere karb-o-bala hai aur mein hoon
habib ibn-e-mazhar ki sana hai aur mein hoon
khayal midhat ibn-e-mazahir jab se hai dil mein
mere sar per dua-e-sayyida hai aur mein hoon
rafiq-e-hazrat shabbir ki midhat guzari mein
qalam kaghaz hai mehrab dua hai aur mein hoon
zamane mein nahi milti misal-e-dosti aisi
ussi ik dosti ka tazkira hai aur mein hoon
lab-e-qirtas ne mere qalam ke paoon choom hain
buhat khush iss ada per dil mera hai aur mein hoon
mughe likhna hain ausaaf-e-habib-ibn-e-mazahir sab
issi mein mun-hakim fikr risa hai aur mein hoon
habib-ibn-e-mazahir nasir sibt-e-payamber hain
meri ankhon mein un ki khak pa hai aur mein hoon
zaifi mein jawanon ke jo tewar se lara ran mein
ussi ki yaad ka ik silsila hai aur mein hoon***
