tanhayon ke alam meN
khamoshi ke saagar meN
khaabon ke saahil pe
main aksar dhoondha karti hon uss ko
woh!
jo tasavur hai
kheyaal hai
ke khawaab
ik din palkoN se chura looN gi uss ko
woh!
jo saya hai
dadal hai
ke aanchal
apna bana ke sar pe saja looN gi uss ko
woh!
jo kaajal hai
surkhi hai
ke mehndi
kisi din haathoN pe laga looN gi uss ko
woh!
jo gulshan hai
khushboo hai
ke gul
soocha hai ke gajre meN piro looN gi uss ko
woh!
jo dareya hai
samandar hai
ke saahil
rait ke nishanoN se ik din pa looN gi uss ko
woh!
jo naghma hai
rubaayi hai
ke ghazal
mil jaye to hontoN se gunguna looN gi uss ko
woh!
jo mera saajan hai
dilbar hai
ke saathi
duniya se ik roz chura looNgi uss ko
dil ki dharkanoN meN basa looNgi uss ko