*tanhaa tanhaa hum ro lenge mehfil mehfil gaayenge
jab tak aansoo paas rahenge tab tak geet sunaayenge
**tum jo socho vo tum jaano hum to apani kehate hain
der na karanaa ghar jaane men varanaa ghar kho jaayenge
**bachchon ke chhote haathon ko chaand sitaare chhoone do
chaar kitaaben padh kar vo bhi hum jaise ho jaayenge
**kin raahon se door hai manzil kaun saa rastaa aasaan hai
hum jab thak kar ruk jaayenge auron ko samajhaayenge
*achchhi soorat vaale saare patthar-dil ho mumkin hai
hum to us din raa_e denge jis din dhokaa khaayenge
**
~~~~~~~~
Nida Fazli
~~~~*~~~~